Şablon müzakirəsi:Xəbərlər/Arxiv 1

gərək Euro2024 və Copa América 2024 ilə bağlı da xəbərə yer veriləydi.. Atakhanli (müzakirə) 21:10, 19 iyul 2024 (UTC)

Mən baxmışdım, müvafiq məqalələr olarsa əlavə etmək olar, geniş və silsilə mövzulardır. Hörmətlə, Gadir^müzakirə 21:12, 19 iyul 2024 (UTC)

hə, kaş işlənərdi. trend məqalələr idi :( Atakhanli (müzakirə) 21:13, 19 iyul 2024 (UTC)

Bunun da məqaləsi yaradılsa gözəl olardı, qəşəng görünərdi, hələ bir xeyli müddət qalacaq ana səhifədə. Hörmətlə, Gadir^müzakirə 21:16, 19 iyul 2024 (UTC)

@Sura Shukurlu, salam. Qeyd etdiyiniz arqument — "Məqalə işlənilib, 3-4 gün qalmasında problem yoxdur" keçərli arqument deyil. Bu bölməyə sonradan əlavələr olunmur, sırf məqaləsini işləmisiniz deyə də əlavə olunması düzgün deyil. Həm də bu bölməni taraz saxlayırıq, maksimum 4 xəbər qalır, indi ora vizual cəhətdən pozulub. Odur ki, həmin xəbəri çıxarıram və təkrar əlavə etməməyinizi xahiş edirəm. Hörmətlə, Gadir^müzakirə 09:34, 28 iyul 2024 (UTC)

@Gadir, salam. Mən sırf məqaləsini işləmişəm deyə bölməyə əlavə etməmişəm, tərsinə, məqaləni bölmədə bu haqda xəbər olsun deyə işləmişəm. Məqalənin bu bölməyə əlavə edilməməsinin mənim üçün problemi yoxdur, amma edilməsinin də ümumən problemi yoxdur, çünki köhnə xəbər olduğunu desəniz, bölmədə Trampa sui-qəsdlə bağlı xəbər var, hansı ki, 13 iyula aiddir. Trampa sui-qəsd köhnə xəbər olmadığı halda, çempionatın finalı necə köhnə xəbər olur? Elədirsə çıxarılmalı olan, köhnəlmiş xəbər sui-qəsdlə bağlı xəbərdir. Bölməyə sonradan əlavəyə gəlsək, bu prosesi bu qədər bürokratik formaya salmağa ehtiyac yoxdur, hansısa xəbər nə vaxtsa yaddan çıxsa, əlbəttə, sonradan əlavə edilə bilər. Burda əsas məqsəd oxucuya lazım olan məlumatları lazım olan formada çatdırmaqdır. Sura Shukurlu (müzakirə) 12:13, 28 iyul 2024 (UTC)

@Sura Shukurlu, Trampa sui-qəsd xəbəri elə vaxtında əlavə olunub, həftələr sonra yox. O xəbərin orada qalmasının səbəbi köhnə olması yox, bu bölmənin davamlı yenilənməməsidir (məqalə yoxluğu kimi səbəblər). Əgər başqa yeni xəbər əlavə edəcəksinizsə, onu silməyinizə etiraz etmərəm, amma fakt əlavə etdiyiniz xəbər köhnədir və indi yox, vaxtında əlavə olunsa heç nə deməzdim. Belə, sonradan xəbərlər əlavə etmək doğru deyil. İnformasiyanın üzərindən keçib artıq, bu məlumatı oxucuya çatdırmaq istəyirsinizsə "Bilirsinizmi" bölməsi üçün namizəd göstərə bilərsiniz (buradan: Vikipediya:Bilirsinizmi namizədləri). Hörmətlə, Gadir^müzakirə 13:22, 29 iyul 2024 (UTC)

@Gadir Məqalə yaxşı işlənibsə və hadisədən də çox keçməyibsə sonradan əlavə olunmasının nə əlaqəsi? Hələ bir neçə gün əvvəl mən bura yazmışdım ki, kaş bu məqaləni işləyən biri olardı əlavə edərdik. İndi fakt məqalə işlənibdə. Siz bir neçə gündür əlavə olunmasına qoymursunuz konkret olaraq. Burada Bürokratiya yaratmağa nə ehtiyac var bəy? Köhnə olduğunu səbəb göstərirsiniz, amma fakt trampın sui qəsd hadisəsi final matçından daha köhnədir. Demək ki, səbəb bu da deyil. Atakhanli (müzakirə) 13:49, 29 iyul 2024 (UTC)

Salam. Görün Trampın xəbəri nə vaxt əlavə olunub da :) Təsəvvür edin, buranı (ana səhifəni/xəbərlər bölməsini) mütəmadiyən biriləri izləyir və daha sonra görür ki, neçə həftə əvvəlin xəbəri, bu xəbər əlavə olunub. Yaxşı işlənilməsi əlavə olunması üçün səbəb deyil. Belə nizamsızlıq yaranır. Bu səhifə üçün də yaxında şərtlər tərtib edərik, belə problemlər də çıxmaz. Mən qarşıyam əlavə olunmasına, konsensus əldə olunub əlavə olunmasına isə heç nə deyə bilmərəm, mənə görə düz deyil. Hörmətlə, Gadir^müzakirə 13:52, 29 iyul 2024 (UTC)

@Gadir Trampa sui-qəsd də neçə həftənin xəbəridir, hətta daha əvvəlin xəbəridir. Ümumiyyətlə yanaşmanız yanlışdır, anlamıram sizi heç cür. Necə yəni sonradan əlavə edilə bilməz, nizam pozulur? Bura bürokratiya ilə idarə edilən bir qurum deyil ki, hər hansı səhifədə nə isə yaddan çıxıb əlavə edilmədikdə sonradan əlavə etmək mümkün olmasın, əlavə etmək üçün ərizə yazılıb müraciət edilməli olsun. İndi də bu səhifəyə sonradan əlavə üçün konsensus qəbul edilməlidir? Xəbərlər bölməsinin məqsədi son dəqiqə xəbərlərini vermək deyil, məqsəd oxucunu aktual xəbərlərlə bağlı yazılmış məqalələrə yönləndirmək, həmin məqalələrin oxunmasıdır. Bütün dil bölmələrində görə bilərsiniz, bu bölməyə sırf aktual xəbərdir deyə keçidsiz cümlələr əlavə edilmir və sırf keçid olsun xətrinə həmin xəbərə aid məqalələr yaradılmır. Əksinə, aktual xəbərlə bağlı məqalə yaradılıb deyə o xəbər və məqalə bölməyə əlavə edilir. Sizin nəzərdə tutduğunuz məqsəd üçün Vikixəbər var. Hər hansı aktual mövzuya aid məqalə bir neçə gün sonra yaradıla bilər, hətta geniş məqalə ola və yaradılması vaxt ala bilər. Bu məntiqlə gərək istifadəçi məqaləni bacardığı qədər tez yaratsın ki, ondan əvvəl birdən bölməyə yeni xəbər əlavə edilər, o həmin xəbəri əlavə edə bilməz :) Niyə bu qədər çətinləşdirirsiz ki? Burda bürokratiya yaratmağın nə mənası var? @Nemoralis, @White Demon, @Solavirum, Ana səhifənin xəbərlər bölməsinə nəzarət edən aktiv inzibatçılar kimi sizin də fikrinizi öyrənmək istəyirəm. Futbol matçı müddətində onu izləyirdim, matç bitəndən sonra gözlədim ki, hər şey dəqiqləşsin, xəbərlər bölməsinə yerləşdirməyə keyfiyyətli məqalə hazırlayım. Bir neçə gündür üzərində işlədikdən sonra bura əlavə etdikdə Gadir-in yanaşması sözün əsl mənasından bariyer yaradır, qoymur məqaləni əlavə etməyə. Sura Shukurlu (müzakirə) 14:43, 29 iyul 2024 (UTC)

@Sura Shukurlu, mən heç nəyə mane olmuram, bu bölmə və ümumiyyətlə ana səhifə ilə də daimi maraqlanır, diqqət yetirirəm, amma heç kimin əlavələrini də silmirəm. Əksinə, əlavələr xoşdur. Sizin sözügedən əlavəniz sadəcə olaraq uyğun deyil. Bunu siz belə düşünün, təsəvvür edin ki, mən bir məqalə yazıram və xəbəri də bir neçə həftə sonra ora əlavə edirəm. Xeyr, sadəcə olaraq düzgün deyil. Görülmüş şey deyil, heç vaxt belə şey olmayıb, nə bizdə, nə başqa digər vikilərdə. Üstünü çizərək deyirsiniz, amma heç bürokratiya məsələsi də deyil. Hazırda bu bölmə üçün də qayda boşluğu var, ona görə də konsensus tam normaldır. Və ümumiyyətlə konsensus viki üçün vacib şeydir, vikinin təməlidir, qaydaların əmələ gəlmə halıdır, sizə niyə qəribə gəldi anlamadım. Artıq neçənci dəfədir qeyd edirəm, bəli köhnədir və məqalə qıtlığı, həmçinin bölmənin təkmil formada işləməməsi nəticəsində ilişib qalıb orada. Götürüb onu da silsək qalacaq boş, vizual görünəcək pis. Siz isə digər xəbəri bunu silib onu əlavə edirsiniz. Trampın xəbəri eyni gün vaxtında əlavə olunub, ora yeni bir xəbər əlavə edib (ən başa, axırlara köhnə xəbərləri yox) onu silə bilərsiniz, buna heç nə demirəm. Əlavə edin və silin, beləcə ora güncəlləşsin, xoş olar. Bəli, məhz məqaləsi olanı əlavə edirlər, sırf ona görə məqalə yaradılmır ki. Amma məqalə əskikliyi ucbatından ora hər xəbəri əlavə edə bilmirik (çox vaxt marağımda olan mövzularda məqalələr yaradıb xəbər bölməsi də boş qalmasın deyə ora əlavə edirəm ya da görürəm artıq yaradılıb götürüb qoyuram ora), məlum mövzularda məqalə qıtlığı problemi yoxsa xəbər lenti deyil ora, qeyd etdiyiniz kimi. Bu da o demək deyil ki, bir neçə həftə sonra mən o məqaləni yaradıb ora xəbər kimi istəyəndə əlavə edə bilərəm, Vikipediya sxemi belə işləmir, məncə kifayət qədər məlumatınız var. Bu yaxınlarda @Firuza ilə ora məqalə işləyib xəbər kimi əlavə edəcəkdik, amma çatdıra bilmədik deyə getdi. Sonra Firuza məqaləni işlədi, amma götürüb ora əlavə etmədik, çünki düz deyil, o da bilirdi. Məqalə isə əla şəkildə qaldı, vikiyə yeni bir məqalə daha qazandırmış oldu. Məqalə üçün sizə də təşəkkür edirəm, ümid edirəm ki, fikirlərimi kifayət qədər aydın izah edə bildim. Hörmətlə, Gadir^müzakirə 17:34, 29 iyul 2024 (UTC)

Yenə deyirəm, "düzgün deyil", "nizamsızlıq yaradır", "sonradan əlavə etmək olmaz" yanaşması doğru deyil. Vikidəki hər addımı, fəaliyyəti bu qədər qəlizləşdirmək, bariyer yaratmağa ehtiyac yoxdur. Məqsəd Ana səhifənin bölmələrində keyfiyyətli məzmunun olmasıdır. Fakt günlərdir bir dənə xəbərin bölməyə əlavə edilməsinə maneə olursunuz və bunu sadəcə öz subyektiv fikriniz ilə əsaslandırırsınız. Məqalənin orda olub-olmaması mənə maraqlı deyil, sadəcə olaraq bu yanaşmanın həqiqətən səhv olduğunu izah etməyə çalışıram. Vəsiqədə illər əvvəl qoyulmuş adı dəyişmək daha asandır (ən azından mümkündür) Ana səhifəyə bir müddət sonra xəbər əlavə etməkdən. Bu qədər qəlizləşdirmək və əlavə qaydalar yaratmaq doğru deyil. Hələ üstəlik məzmun baxımından korluq çəkən azvikidə ümumiyyətlə ehtiyac yoxdur. Sura Shukurlu (müzakirə) 18:13, 29 iyul 2024 (UTC)

"Uyğun deyil", nəyə əsasən deyil? Xəbərlər bölməsi teleqram kanalı deyil ki, ancaq son dəqiqə xəbərləri verək. Sura ilə razıyam. Nemoralis (müzakirə) 18:17, 29 iyul 2024 (UTC)

Məqsədinizin pis olduğunu deməmişəm ki. Düşünün ki, nizam yaratmasaq vikidə nələr baş verər, sadəcə bunu düşünün. "Məqsəd Ana səhifənin bölmələrində keyfiyyətli məzmunun olmasıdır" yaxşıdır, amma köhnə xəbərin əlavə olunmasına səbəb və bəhanə deyil. Belə getsə, 2-3 həftə əvvəlki hadisələrin məqalələri "keyfiyyətli" məzmun deyə yaradıb ora əlavə ediləcək və bu, artıq normal hal alacaq. Bəli, ora məhz xəbər lenti ya da tg kanalı olmadığı üçün onu əlavəyə ehtiyac yoxdur, aktual deyil çünki. Üzərindən həftələr keçib artıq, oxucuları vaxtında məlumatlandırmaq olardı, olmadı indi də olması nəsə əhəmiyyət vermir. Belə çıxır onda 3 ay əvvəlin xəbərini də yaxşı məqalə yazıb qoymaq olar? Bilə-bilə ki, boşluqlar çoxdur, amma yenə də hər dəfə "qayda" tələb edilməyi qoysaq kənara, bu mövzuda belə şey heç olub bizdə? Varsa nümunə göstərməyinizi istəyirəm. Bundan əlavə, hər şeyə "qayda var?", "harda yazılıb?", "kim deyir?" tərzi ifadələr də doğru deyil heç. Hələ-hələ qayda olmadan oturuşmuş mövzularda buna yüklənmək. Buna isə "qayda yaratmaq" demək doğru deyil. Ortada qayda yoxdur və ikiyə ayrılmışıq, siz öz fikirlərinizi müdafiə edirsiniz, mən də öz, inanıram ki, mənim kimi də fikirləşən istifadəçilər var və müzakirəyə qoşula bilərlər. Bəllidir ki, qayda boşluğu çoxdur və başımızı ağrıdır. Hər dəfə də "whataboutism" olur. Mən hər dəfə nəyəsə töhfə verəndə belə hallarla qarşılaşıram, qayda boşluqlarına görə, halbuki pis niyyət və "mənim fikirlərim daha üstündür" tezisi yoxdur. Töhfə verməyə yönəlikdi hər şey. Onda konkret məsələlərdə qayda yoxdursa, heç nə etməyək, hamı bir-birinin yazdığını silsin və belə də davam edək. Mən fikrimdə qalıram, çox yaxında bu bölmə ilə bağlı qayda üzərində işləməyə başlamağı ümid edirəm. Təşəkkürlər. Hörmətlə, Gadir^müzakirə 19:23, 29 iyul 2024 (UTC)

Yorursuze @Gadir. Bir dediyiniz digər dediyinizi təkzib edir. Uzun-uzun elə də yazırsız baxan deyər nə olub. Nəticədə neçə gündür geniş işlənmiş keyfiyyətli məqaləni əlavə edə bilmirəm ana səhifəyə nədir-nədir ki, sizi razı sala bilmirik. Vikipediya sizin şəxsi mülkünüz deyil. Bürokratiya yaratmağa ehtiyac yoxdur. Köhnə xəbəri silib, daha yeni xəbəri əlavə edirəm. Zəhmət olmasa müdaxilə etməyin. Sura Shukurlu (müzakirə) 19:57, 29 iyul 2024 (UTC)

Heç nə heç nəyi təkzib etmir, yazdıqlarım açıq-aydındır. Sadəcə öz dediyinizi deyirsiniz. Uzun yazırsınız, uzun cavab verməli oluram, izah etmək üçün. Sizin düşüncəniz zatən məqalə idi, yazdıqlarınızdan da bəlli olur. Məni razı salmaq məsələsi deyil, hələ də anlamamısınız. Mülküm olduğunu da iddia etmirəm, konsensus təklif etmişəm sizə, siz də götürüb müzakirə əsnasında geri qaytarmısınız və yenə qaytardınız. Nə isə.. Hörmətlə, Gadir^müzakirə 20:03, 29 iyul 2024 (UTC)

Belə görürəm ki, bu gedişlə bu yaxınlarda Bilirsinizmi namizədləri kimi Xəbərlər namizədləri kimi bir səhifə də yaratmağımız lazım gələcək, EnVikidə olduğu kimi, yoxsa belə mübahisələr çox olacaq. Kosmik Ozan ^utora! 09:32, 30 iyul 2024 (UTC)

Bəli. Yaxın günlərdə həll edib müzakirənizə təqdim edəcəm. Hörmətlə, Gadir^müzakirə 09:34, 30 iyul 2024 (UTC)

@Nemoralis, siz mənə demişdiniz ki, "zərəri yoxdur" düzgün yanaşma deyil, İndi Sura deyir ki, problem yoxdur qalmasında. Nə düşünürsünüz? Hörmətlə, Gadir^müzakirə 19:28, 29 iyul 2024 (UTC)

Düşünürəm ki, Ukraynanın Rusiyanın ərazisinə ilk dəfə belə təşkilatlanmış şəkildə hücumu ana səhifədə xəbərlər hissəsində olmalıdır. Hal-hazırda bu əməliyyat müharibənin gedişini dəyişə bilər. Əhməd Qurbanov (müzakirə) 07:13, 10 avqust 2024 (UTC)

Y Hörmətlə, Qədir (müzakirə) 09:43, 10 avqust 2024 (UTC)

@Atakhanli, salam, bəy. Hər ölən ora əlavə edilməlidir deyə bir şərt yoxdur, üzərindən həftələr, günlər keçdikdən sonra ora hansısa adın əlavəsi (yerdəyişməsi) də uyğun görünmür. Mümkün qədər ensiklopedikliyi açıq şəxsləri əlavə etməyə çalışaq. İkincisi də, orda 6 başlıq saxlayaq, lütfən, öncədən də bunu bildirmişdim sizə. Hörmətlə, Qədir (müzakirə) 00:39, 20 sentyabr 2024 (UTC)

@Gadir Bu nə özbaşınalıqdır? Necə yəni sonradan nəsə əlavə etmək olmaz? Son müzakirələr fayda verməyib sizə? Burada inhisarçılıq yaratmayın. Neçə dəfə deyilib sizə? Qaldı ki, neçə dəfədir rastlayıram, geri qaytarırsız, amma baxmırsız nəyi geri qaytarırsınız. Diqqətli olun zəhmət olmasa. Bir də özünüzdən qaydalar çıxartmayın. Əməkdar artistdir vəfat edən. Ölüm sırasında adının qeyd olunmasının nə ziyanı var? Heç bilmirsiz özünüzə nə haqq qazandırasız. İstifadəçilərdə qıcıq formalaşdırmaq fayda verməyəcək. Bunu neçə istifadəçiyə qarşı sezmişəm artıq sizdə. Xahiş edirəm özünüzü təmkinli aparın bir az. Əlinizdən heç nə eləmək olmur vikidə Atakhanli (müzakirə) 00:45, 20 sentyabr 2024 (UTC)

Çox təəssüf ki, müzakirəyə yox mənə fokuslanırsınız yenə. İnhisarçılıq falan yoxdur, ana səhifə maraq dairəmdədir deyə mütəmadi nəzarət edirəm, həmçinin özümdən qayda falan da çıxarmıram, ümumi təcrübəyə əsasən fikirlərimi çatdırıram. Sonradan əlavə oluna bilər, bilməz demədim, amma 1 ay sonra götürüb ölən şəxsin adını yazmaqla heç nə çatdırmaq olmur. Bura xəbər lenti deyil. Bu bölmə ilə bağlı problemlər yaşamayaq deyə prinsip üzərində işləyəcəm yaxın vaxtlarda və müzakirəyə təqdim edəcəm. Həmçinin mənə diqqətsiz demisiniz, amma burada və burada yazdığım diqqətinizdən qaçıb, sonrakı nizdə çıxarmısınız yenə. Hörmətlə, Qədir (müzakirə) 00:47, 20 sentyabr 2024 (UTC)

Vallah siz deyəsən nə yazdığımı başa düşmürsüz, ya da cavab olsun deyə nəsə yazırsınız. Lütfən lərinizə davam edin, boş verin yazdığımı Atakhanli (müzakirə) 01:13, 20 sentyabr 2024 (UTC)

Mən başa düşdüm sizi, həm də başa düşə bilmirəm. Mən sizə harada mane olmuşam ki, əlimdən bir şey edə bilmədiyinizi deyirsiniz, hə? Bu bölmə ilə bağlı prinsip yoxdur deyə mübahisələr çıxırsa (çıxması normaldı); bu bölmə ilə aktiv maraqlanan məni günahkar çıxarmaq düz deyil, bu barədə həllyönümlü müzakirəyə start vermək lazımdı. Həm gördüm adlar azalıb, geri qaytaranda fikir verməmişəm, sizin yenə şəxslərin adlarını sildiyinizi düşünmüşəm, əvvəl də bunu etmişdiz. Müzakirə ilə son ölən 6 nəfər qalsın demişdik. Lütfən diqqətli olun. Hörmətlə, Qədir (müzakirə) 02:34, 20 sentyabr 2024 (UTC)

Mən düşünürəm ki, son ölümləri ölüm tarixinə görə yox, ölümün açıqlandığı tarixə görə sıralamaq daha düzgündür. Çünki bəzən elə olur ki, şəxs ölür, amma ölümü 1-2 həftə sonra açıqlanır. Xüsusilə, Yaponiyada belə hallar tez-tez olur, ölümü dərhal açıqlamırlar. Nobuyo Oyama 29 sentyabrda ölüb, amma ölümünü 12 gün sonra - dünən açıqlayıblar. Şiroi Akuma 16:45, 12 oktyabr 2024 (UTC)

Envikidə necə edirlər? Qəribədir, sırası ilə qoymaq olar, amma onda da daha az müddət görünmüş olacaq ana səhifədə. Hörmətlə, Qədir (müzakirə) 18:09, 12 oktyabr 2024 (UTC)

EnVikidə ölüm tarixi ardıcıllığına görə qoymurlar. Şiroi Akuma 18:42, 12 oktyabr 2024 (UTC)

Bu dediyini nəzərə alsaq, mənim etirazım yoxdur. Amma onlar kimi gün periodunu nə qədər az tutsaq (hazırda 1 aydır) yaxşıdır onda. Bu da ki, aktivliklə bağlı məsələdir yenə. Amma bu da var ki, ora hər öləni də qoymurlar. Mütləqdir ki, hər ölümü gec açıqlananlar ora əlavə olunsun? Bizim problem deyil, məncə. Hörmətlə, Qədir (müzakirə) 19:30, 12 oktyabr 2024 (UTC)

Məntiqlə White Demon düz deyir, amma yaddan çıxacağ yenə, aktivlik yoxdu onsuz — Bikar ^müzakirə 19:42, 12 oktyabr 2024 (UTC)

@Turkmen, salam. 3 başlıq çox azdır, bilirəm, bəyənməsəm də, orada azı 4 başlıq saxlanılır. Siz yeni əlavə etdiyiniz xəbərə məqalə yaradacaqsınız? Çünki ora əlavə edilən xəbərlərin məqaləsi olmalıdır və "bold" keçidlə birgə verilməlidir. Hörmətlə, Qədir (müzakirə) 11:21, 13 noyabr 2024 (UTC)

@Gadir, salam təəssüf ki, məqalə yaratmağa vaxt edə bilməyəcəm. Edilən əlavə vizualdır, bölmənin kasad görsənməməsi üçündür. Sırf məqalə yaratmağı mütləq hesab edən qəbul edilmiş şərt varmı? Ola bilər unutmuşam. Əgər varsa mətni çıxara bilərsiniz. Turkmen ^müzakirə 12:16, 13 noyabr 2024 (UTC)

@Turkmen, xeyr, lokalda bu bölmələrlə bağlı qəbul edilmiş şərtlərimiz yoxdur, amma standartlarımız var və ümumi təcrübəyə əsaslanırıq. Bölmədən anlayışı olan istifadəçilər də bu barədə məlumatlıdırlar ki, ən pis halda ora məqaləsi olan mövzular əlavə edilir, yoxsa necə gəldi dolar bölmə. Bir də ki, orada, məncə, köhnə xəbər qalması daha yaxşıdır, nəinki məqaləsi olmayan xəbər. Bir neçə ayın xəbəri də o qədər də köhnə deyil, azviki üçün aktivliyə baxsaq, bu interval normaldır, ilk dəfə də deyil. Hörmətlə, Qədir (müzakirə) 12:59, 13 noyabr 2024 (UTC)

@Gadir, okey, çıxara bilərsiniz mətni. Turkmen ^müzakirə 13:28, 13 noyabr 2024 (UTC)

Cənubi Koreya Prezidenti Yun Sok Yolun hərbi vəziyyət elanından bir neçə saat sonra, Parlament onu ləğv etməyə səs verib. Мурад 97 (müzakirə) 20:21, 3 dekabr 2024 (UTC)

Məqalə yazı səhvləri ilə doludur, bu halda əlavə edilə bilməz təəssüf ki. Hörmətlə, Qədir (müzakirə) 05:15, 4 dekabr 2024 (UTC)

Yohannes Piç məqaləsinə keçid verilməlidir. Bu yaxınlarda məqaləsi yaradılıb. Sofia (müzakirə) 11:31, 5 iyun 2025 (UTC)

Bu arada xəbərlər köhnədir. Həftədə bir dəfə yenilənsə yaxşı olar. Sofia (müzakirə) 11:37, 5 iyun 2025 (UTC)

Məqalə olsa niyə də yox? Maraq və təkliflər olmalıdı. Aktivlik yoxdur, "bilirsinizmi" kimi səhifə açmaq çoxdan var ağlımda, sadəcə indi yetəri aktivlik olmayağına inanıram. Hörmətlə, Qədir (müzakirə) 03:12, 15 iyun 2025 (UTC)

8 avqust 2025-ci ildə Azərbaycan, Ermənistan və ABŞ rəhbərləri üçtərəfli birgə sülh bəyannaməsi imzalayıblar. Əhməd Qurbanov (müzakirə) 16:29, 10 avqust 2025 (UTC)

 Əlavə olundu. Hörmətlə, Qədir (müzakirə) 16:47, 10 avqust 2025 (UTC)

@Wertuose, zəhmət olmasa məqaləsi olmayan və ya məqalədə bu barədə məlumat və məzmun ehtiva etməyən əlavələr etməyin. Hörmətlə, Qədir (müzakirə) 11:40, 28 sentyabr 2025 (UTC)

İstinad etdiyiniz qaydanı da göstərsəniz, çox yaxşı olardı. Əks halda, elə görünə bilər ki, istifadəçilərin sizin şəxsi istəklərinizə uyğun lər etməsini istəyirsiniz.--Wertuose (müzakirə) 11:23, 29 sentyabr 2025 (UTC)

Xeyr, elə deyil. "Formalaşmış təcrübə" deyilən bir şey var və burada da tətbiqinə çalışırıq ki, bölmə nizamlı olsun. Dəfələrlə bununla bağlı müzakirələrdə bildiriblər ki, ora hər xoşa gələn xəbər əlavə edilməməlidir və əlavə olunan xəbərin düzgün bir məqaləsi olmalı və o məqalədə xəbərin məzmunu da öz əksini tapmalıdır. Hörmətlə, Qədir (müzakirə) 14:21, 29 sentyabr 2025 (UTC)

Azərbaycan Xalq Cəbhəsi Partiyasının (AXCP) sədri Əli Kərimli (şəkildə) və partiyanın digər üzvləri Ramiz Mehdiyev işi ilə əlaqədar saxlanılıb. --► Hörmətlə: ChanisCaucasi 22:25, 29 noyabr 2025 (UTC)

 Sual: Saleh Rüstəmli partiyanın üzvüdür? Hörmətlə, Qədir (müzakirə) 22:28, 29 noyabr 2025 (UTC)

Deyilmiş. Hörmətlə, Qədir (müzakirə) 23:41, 30 noyabr 2025 (UTC)

 Əlavə edildi. Hörmətlə, Qədir (müzakirə) 22:58, 29 noyabr 2025 (UTC)

@ChanisCaucasi, @Qədir, salam. Bu xəbər lokal miqyaslıdır, yəni Azərbaycan üçün xarakterikdir. Bunun Vikipediyanın Ana səhifəsi ilə əlaqəsi var sizcə? Turkmen ^müzakirə 05:49, 1 dekabr 2025 (UTC)

Həmçinin bu saxlanılmadır sadəcə. Ortada həbs qərarı yoxdur. Yəni məsələ düşdündüyümüz qədər ciddiləşməyib belə. Hətta məqalə yaratmaq üçün də tez deyilmi? Turkmen ^müzakirə 05:52, 1 dekabr 2025 (UTC)

Məncə yox. Həbs qərarı olub-olmaması ilə mövzu ensiklopedik olmur. Nə isə, məqaləni müzakirə etmək üçün uyğun yer deyil. Xəbər isə, lokal miqyaslı dedikdə, mütləq bütün dünyanı maraqlandıran xəbər olmalı deyil ki. Belə xəbərlər də əlavə edilir və edilə bilər. Bunun da məqaləsi var və əlavə edilib. Aktualdır və əhəmiyyətli hesab edirəm. Məqalə göz qabağındadır, sağ olsun ChanisCaucasi əziyyət çəkib yazıb. Yeniləndikcə də əlavələr apararıq. Həmçinin Ramiz Mehdiyev ilə bağlı xəbər də bundan əvvəl başlıq kimi verilmişdi. Bölmənin fəaliyyətini də nəzərə almalıyıq, o qədər xəbər dolub-daşmır axı, ki hansını qoyub-qoymayacağımıza seçib qərar verə bilək. Bu bölmə üçün qayda üzərində işləyəcəm, neçə vaxtdır ağlımdadır, amma passivlik var deyə marağım ölür, açığı. İşləyəcəm yenə də. Ümid edirəm ki, maraq olar. Hörmətlə, Qədir (müzakirə) 06:19, 1 dekabr 2025 (UTC)

Ramiz Mehdiyev höküməti devirməyə cəhd etmişdi. Əli bəy isə, sadəcə saxlanılıb. Bunlar arasında fərq kifayət qədər böyükdür. Habelə, məqalə azlığı bizə Ramiz Mehdiyevin işi ilə bağlı bütün xəbərləri Ana səhifəyə vermək üçün səbəb vermir. Dedikləriniz arqument deyil. Bütün hallarda, digər istifadəçilərin şərhinə buraxıram mövzunu. Turkmen ^müzakirə 06:32, 1 dekabr 2025 (UTC)

Mən demirəm ki, məqalə azlığı var deyə verək. Onu eləcə qeyd etmişəm. Şərhin əvvəlini oxuyun, məncə kifayət qədər əsaslı arqument yazmışam. İndi edib "bölmənin fəaliyyəti" hissəsinin yanında yazacaqdım ki, "bununla yanaşı, xəbər də əhəmiyyətlidir". Artıq cavab şərhi yazmısınız deyə cavab olaraq yazıram. O ki qaldı saxlanılmağına, elə o da dövlət çevrilişinə cəhd ittihamı ilə tutulub. Müxalifət lideridir adam, məncə bu xəbər kifayət qədər əhəmiyyət daşıyır. Məqaləni işləyən istifadəçi xarici reaksiyaları da məqaləyə əlavə etsə yaxşı olar. Hörmətlə, Qədir (müzakirə) 06:37, 1 dekabr 2025 (UTC)

Həm də ki, bir xəbər əhəmiyyətlidirsə, o xəbərlə bağlı vacib yeniliklər olanda paralel olaraq, ikinisini də bir cümləyə salıb verirlər. İndiki vəziyyət həm də elədir. Envikidə geniş tətbiq olunan praktikadır. Məqaləsi olmayan mövzuların qarşısını almalıyıq, onu da mən görəndə bölmənin passivliyi ucbatından bəzən keçirəm ya da keçməli oluram. Elə olur məqaləsini özüm yaradıram və əlavə edirəm. Hörmətlə, Qədir (müzakirə) 06:39, 1 dekabr 2025 (UTC)

Turkmen Azərbaycanın müxalifət lideri dövlət çevrilişinə cəhddə ittiham olunub. Necə yəni? --► Hörmətlə: ChanisCaucasi 10:48, 1 dekabr 2025 (UTC)

@ChanisCaucasi, prosesin əsas hissəsi Ramiz Mehdiyevin çevrilişə cəhdidir. Digər məsələlər onun tərkib hissəsidir. Misal üçün əgər yüksək vəzifəli məmurlardan biri (məs., baş nazir) bu məsələ üzrə həbs olunsa, onun da adını ayrıca xəbər kimi verə bilərik sizcə? Demirəm xəbəri oradan çıxarın, amma olmasını da dəstəkləmirəm. Turkmen ^müzakirə 11:28, 1 dekabr 2025 (UTC)

Turkmen adam müxalifət lideridir, təbii ki, qoyulacaq. --► Hörmətlə: ChanisCaucasi 15:14, 1 dekabr 2025 (UTC)

Qədir həbs olaraq dəyişmək olar. Əli Kərimli və Məmməd İbrahim --► Hörmətlə: ChanisCaucasi 15:15, 1 dekabr 2025 (UTC)

@Toghrul R, salam. Etdiyiniz bu əlavədə bir sıra problemlər var. Əlavə etdiyiniz başlıqlara aid müvafiq məqalələr və məqalələrdə bu barədə məzmun yoxdur. Həmçinin Əli Kərimli ilə bağlı xəbərin məzmununu dəyişdirmiş və başlıqlardakı boldları da silmisiniz. Ona görə də həmin ni geri qaytarıram. Hörmətlə, Qədir (müzakirə) 09:22, 9 dekabr 2025 (UTC)

@Qədir Əli Kərimli ilə bağlı məsələ təsdiqini tapmayıb, bunu bold şəkildə verməyi düzgün hesab etmirəm. Üstəgəl, çox köhnə xəbərlərdir olanlar. Təyyarə qəzası 1 ayın xəbəridir. Digəri isə 40 gün. Bunları tənzimləmək lazımdır. Ramiz Mehdiyev məsələsi isə 14 oktyabrda aktuallaşıb. Yəni 2 ay əvvəl. Təzələmək lazımdır. Toghrul R (m) 19:26, 9 dekabr 2025 (UTC)

@Toghrul R, bold əsas mövzuları göstərmək üçün verilir. Əslində, Ramiz Mehdiyev ilə bağlı xəbərə köhnə demək düzgün olmaz, çünki Əli Kərimli ilə paralel verilib, o formada qala bilər deyə düşünürəm. Əlbəttə, bölmənin yenilənməsinə etiraz etmirəm, amma uyğun məqalələr və məzmunlar əlavə olunacaq mövzularda olduqca. Həm də bizdə bir xəbər bir neçə ay görünür, yəni ilk dəfə deyil bu hal. Hörmətlə, Qədir (müzakirə) 19:37, 9 dekabr 2025 (UTC)

@Qədir rusca vikinin ana səhifəsinə baxın, orada 1600 nəfərin təbii fəlakətdən həlak olması ilə bağlı xəbər berilib, amma keçid yoxdur, ingiliscə vikiyə verilib. Yəni xəbərin mütləq səhifəsi olmalıdır deyilən bir şey yoxdur. Başqa bir xəbər isə hansısa ölkənin prezidentini bir neçə gün öncə deviriblər, məqaləsi də var şəxsin. Amma onu silirsiniz. Lakin 40 gün əvvəlki baş nazir məqaləsini saxlayırsınız. Halbuki həmin seçkilərin səhifəsi yoxdur. Dünən isə Formula 1 dünya çempionu olub bir nəfər, səhifəsi yoxdur deyə çıxarırsınız. Biz xəbərlərə dünyəvi yanaşmalıyıq. Bura Azərbaycan xəbərləri niyə olsun? Toghrul R (m) 05:10, 10 dekabr 2025 (UTC)

@Toghrul R, Azərbaycanda baş vermiş əhəmiyyətli hadisələr və ya beynəlxalq diqqət görmüş hadisələr xəbər kimi verilə bilər. Hazırkı xəbərlərin hər birinin məqaləsi var və baş nazirlə bağlı məqalədə də baş nazir seçilməsi barədə məlumat var. Və təkcə bir xəbər Azərbaycanla əlaqəlidir, üstünlük ona verilməyib. Başlıqların eləcə xəbər mahiyyətli olaraq yerləşdirilməsi düzgün yanaşma kimi gəlmir, baxırsan ya məqalə yox, ya adi keçidsiz cümlə verilib, ya da o məqalədə bu haqda məzmun yox. Ana səhifədən digər vikilərə keçid vermək yaxşı təcrübə deyil. Yəni burada xəbərlərin əlavə olunmamasından yox, hazırda əlavəsi üçün uyğun vəziyyətdə olmamasından söhbət gedir. İndiki xəbərlərin tək problemi köhnə olmasıdır. @Atakhanli, White Demon, ChanisCaucasi və Nicat49: kimi istifadəçilər də fikir bildirə bilərlər. Hörmətlə, Qədir (müzakirə) 06:54, 10 dekabr 2025 (UTC)

əvvəl də dediyim kimi, Əli Kərimlinin həbsi Azərbaycanca Vikipediya üçün diqqətəlayiq hadisədir. Niyə Azərbaycan–Türkiyə ittifaq bəyannaməsi, Türkiyəyə məxsus təyyarənin qəzaya uğraması, Azərbaycanın İrandakı səfirliyinə hücum kimi məqalələrin Xəbərlər bölməsinə yerləşdirilməsi məqbuldur, amma bu yox. Bura ki, Yeni Azərbaycan Partiyasının Vikipediyası deyil --► Hörmətlə: ChanisCaucasi 15:06, 10 dekabr 2025 (UTC)

@ChanisCaucasi, Toghrul həmin xəbərin bir hissəsini (Əli Kərimli olan yeri) əvvəl saxlamışdı. Amma sonra bu müzakirədə etiraz etdiyini gördüm. Yenə də müzakirəni sadəcə o istiqamətdə aparmayaq. Toghrulun digər əlavələri ilə bağlı fikriniz nədir? Hörmətlə, Qədir (müzakirə) 15:15, 10 dekabr 2025 (UTC)

Qədir sadə deyilmi cavab? Adam lazımdır. Yoxdur vikiçi, bəs etmir indiki say. Kənd meydanında kəltəbinlə nəticə çıxarılır, SMN və YMN allahın umuduna qalıb, Xəbərlər də belə. Həvəsi olan istifadəçi yoxdur ki, yeniləsin məzmunu. Mən xarici vikiyə keçid verərək Xəbərlər bölməsini "yaşatmağı" dəstəkləmirəm. Keçid verilən məqalələr Azərbaycan dilində olmalıdır. --► Hörmətlə: ChanisCaucasi 15:32, 10 dekabr 2025 (UTC)

Edəcək bir şey yoxdu. Şəxsən vacibliyinə baxmadan, bir xəbərin məqaləsi yoxdursa və ya məqalədə o barədə yazı yoxdursa (ümumiyyətlə məqalə də yoxdursa) o köhnə məqalənin əlavə edilməsindənsə, başlıqların bir neçə ay saxlanılmasını üstün tuturam. Belə daha faydalı və düzgündür. Əgər oxucuya məqalə informasiya çatdırmayacaqsa bu bölmənin xəbər lentindən və ya "Telegram" kanallarından fərqi nədir ki? Adicə, Bilirsinizmi üçün köhnə faktları qoyuruq. Maraq olar-olmaz o ayrı, amma şərtdir, gərək Xəbərlər üçün də şərtlər qoyub irəli sürək ki, bax bu kriteriyalar qarşılanmalıdır. Amma ona qədər də sağlam məntiqlə hərəkət etmək lazımdır. Hansı xəbər uyğun olmaz, çıxarılar və yerinə müvafiqi qoyulub əvəz edilər. Hörmətlə, Qədir (müzakirə) 15:47, 10 dekabr 2025 (UTC)