Vikipediya:Bilirsinizmi/dekabr 2016 - Haqqinda Melumat

Bakıda yaradılmış ilk qəzet rus dilində 1872-ci ildə Bakinski listok adı ilə çap olunmuşdur.
Azərbaycan Kommunist Partiyasının Mərkəzi Komitəsinin göstərişinə əsasən Bauer und Arbeiter adlı alman dillində qəzet çap olunub.
Qafqaz almanları üçün nəzərdə tutulmuş Kaukasische Post qəzeti ilk dəfə 1906-cı ildə çap olunmuşdur. Qəzet bu gün də fəaliyyətini Tbilisi şəhərində davam etdirməkdədir.
XX əsrin əvvəllərində Bakıda gizli şəkildə fəaliyyət göstərən Nina mətbəəsi 1905-ci ildə ümumi tiraj sayını 1.5 milyon nüsxəyə qədər qaldırmışdır.
Bakı fəhlələri üçün nəzərdə tutulmuş və əsasən bolşeviklərin ideyalarını yayan, xalqı burjuaziyaya qarşı mübarizəyə səsləyən "Bakinski raboçi" (rusca «Бакинский рабочий) qəzeti 1906-cı ildən bu günə qədər çap olunmaqla ən uzun ömürlü Azərbaycan qəzeti sayılır.
Cənubi Qafqazda ilk qəzet Çar Rusiyası tərəfindən Tbilisi şəhərində 1828-ci ildə çap olunmuş Tiflisskiye vedomosti qəzetidir. Qəzetdə azərbaycanlıların şifahi və yazılı ədəbiyyatları haqqında məqalələr də dərc olunurdu.

Səfəvilər dövlətinin IX hökmdarı Sultan Hüseynin hakimiyyəti dönəmində Fransaya səfir kimi göndərilən Məhəmməd Rza Bəy Qərbi Avropada, Şərqlə bağlı ədəbi fikirlərin formalaşmasına önəmli təsir etmişdir.
Azərbaycan polyaklarından olan məşhur mesenat Vitold Zqlenitski xeyriyyəçilik fəaliyyətləri səbəbindən xalq arasında Polşalı Nobel təxəllüsünü almışdır.
Bakıda anadan olmuş yəhudi əsilli qadın pianoçu Bella Davidoviç SSRİ-ni tərk etdikdən sonra belə imperiya ərazisinə qayıdıb, burada konsert verməsinə icazə verilən yeganə qadın sənətçi olmuşdur.
Hollandiyanın şimalında yerləşən Teksel adasında Gürcü legionunun əsgərləri Vermaxta qarşı üsyana qalxaraq 45 gün döyüşmüşdür. Hadisə müharibə ədəbiyyatlarında Avropa cəbhəsində son döyüş olaraq xatırlanır.
Azərbaycanda yaşayan alman icmasına məxsus Lüteran kilsəsini müəllifi kimi tanınan, alman memar Adolf Eyxler 1911-ci ildə Bakı şəhərində naməlum səbəbdən intihar etmişdir.
Estonların Cənubi Qafqazda kompakt yaşadığı yeganə kənd Gürcüstanın Abxaziya bölgəsində yerləşən Psou kəndidir.

Azərbaycanın ilk qadın snayperi olan Ziba Qəniyeva İkinci dünya müharibəsi illərində 21 alman əsgər və zabitini öldürüb.
Sıxılmış havanın tərkibindəki azot dalğıca narkotik təsir göstərdiyindən akvalanq ilə 40 m-dən çox dərinə üzmək məsləhət görülmür.
Ürgənc şəhərinin ilk Fəxri vətəndaşı adına 1988-ci ildə Ziya Bünyadov layiq görülmüşdür.
Hindistanda kannibalizm adətlərini özlərində saxlayan, adının tərcüməsi hind dilindən tərcümədə qorxmazlar mənasını verən Aqxorilərin sayı bu gün cəmi 70 nəfərdir.
İçərişəhərdə yerləşən Multanı karvansarayı orta əsrlərdə Hindistandan olan tacirlərin əsas dayancaq nöqtələrindən biri idi.
Nestorian kilsəsinin VI əsrdə Beyləqan və ətrafı bölgələri əhatə edən Beyləqan yepiskopluğu fəaliyyət göstərmişdir.
Nikolay Andrusov İvanoviç 1895-ci ildə Azərbaycanda Neogen və Paleogen sistemlərinin çöküntülərini tədqiq etmişdir.
Neft Daşları Ginnesin Rekordlar Kitabına adı ən birinci dəniz neft platforması kimi düşmüşdür.

Ruanda Beynəlxalq Cinayət Tribunalı 1994-cü ildə Ruanda soyqırımı zamanı baş vermiş insanlıq cinayətlərinin araşdırılması üçün yaradılmışdır.
Azadlıq heykəli (şəkildə) ABŞ-ın müstəqilliyinin 110 illiyi münasibətilə 1886-cı ildə Fransa xalqı adından hədiyyə edilib.
Kindertransport xilasetmə əməliyyatı nəticəsində Avropada yaşayan 10.000 yəhudi mənşəli uşaq xilas edilmişdir.
Yarpaqların bir-birindən forma, ölçü və quruluşca fərqlənməsi anizofilliya adlanır.
Qədim Misirdə milçək və digər həşəratların diqqətini firondan yayındırmaq üçün qulluqçuların bədənlərinə bal çəkilirdi.
Azərbaycan Respublikasında təsis olunmuş ilk özəl universitet 1991-ci ildə yaradılan Azərbaycan Universitetidir.
XX əsrin əvvəllərində Bakının Mərdəkan kəndində yaşamış Molla Sadıq Badkubeyi bəhailiyi təbliğ etdiyi üçün 1901-ci ildə yaşadığı bağ evinin həyətində öldürülmüşdür.