|
|
|
Bəhailik portalına
xoş gəlmisiniz!
|
.jpg)  
|
Bilirsinizmi
- Bəhailikdə 19 aydan və hər biri 19 gündən ibarət olan təqvimdən istifadə olunur.
- Dünyada ən böyük bəhai icması Hindistanda yaşayır. Bu ölkədə iki milyondan çox bəhai var.
- Bəhaullahın 19 həvarisindən biri olan Bədi Nişaburi Bəhaullaha nazil edilən kəlamları Nasirəddin şah Qacara apararkən həbs edilmiş və 17 yaşında işgəncələrlə öldürülmüşdür.
- İlk bəhai məbədi Türkmənistanın paytaxtı Aşqabad şəhərində tikilmiş, 1948-ci ildə baş vermiş zəlzələ nəticəsində dağılmışdır.
- Bəhai dininin inzibati idarə orqanı İsrailin Hayfa şəhərində yerləşən Ümumdünya Ədalət Evidir.
Sitat
|
"Bəhaullah həyatının son dövrlərinə aid edilən şaha ünvanlanmış məktubundan fraqment"
"Ey şah! Mən bəndələrdən biri idim və Öz yatağımda yatmışdım. Birdən Sübhanın nəsimləri Mənim üzərimə əsdi və Mənə bütün şeylərin elmini öyrətdi. Bu, Mənim tərəfimdən deyil, yox, Qüdrətli və hər şeyi Bilən Kəs tərəfindəndir. O, Mənə yerlə göy arasında Öz nidamı ucaltmağı əmr etdi. Bunun nəticəsində Mənim başıma elə işlər gəldi ki, ariflər onları görüb göz yaşı tökdülər." |
|
Seçilmiş məqalə
 Babilər hərəkatının əsas iştirakçılarından olan Tahirə Qürrətüleynin etnik azərbaycanlı olması və hərəkatda bir çox azərbaycanlının fəal iştirak etməsi nəticəsində azərbaycanlıların yaşadığı çoğrafi ərazidə ilkin forması ilə babilik və daha sonrakı forması ilə bəhailik dini inkişaf etməyə başlamışdır. Azərbaycan ərazisində ilk mütəşəkkil bəhai toplumu 1850-ci ildə Naxçıvanda yaradılmışdır. XX əsrdən etibarən Bakı mərkəz olmaqla bəhailər Gəncə, Sabirabad kimi şəhərlərdə öz toplumlarını formalaşdırmağa başladılar. Bəhailik dinin idarə edici orqanlarından biri olan Ruhani məclisin verdiyi məlumata əsasən hal-hazırda Azərbaycanda 2.000 civarında bəhai dinin ardıcılı yaşamaqdadır. Zəncanda 1850-ci il babi üsyanı zamanı üsyançılar arasında Zeynəb adlı gənc azərbaycanlı qız da olmuşdur. Tarix elmləri doktoru, professor Zülfəli İbrahimov bu qız haqqında yazmışdır: "Son dərəcə şücaətli olduğuna görə zəncanlılar bu qıza "Şahnamə"nin qəhrəmanı Rüstəmin adını vermişdi. Xalq ona Rüstəmə deyirdi". (Davamı...) |
Seçilmiş şəkil
Şəxsiyyət
Bəhaullah - hazırda dünya dinlərindən biri olan Bəhai dininin banisidir. "Bəhaullah" ərəb dilində (بهاء الله,) "Allahın Nuru, Cəlalı, İzzəti" mənasını bildirir. Bəhaullah öz yazılarında və kütləvi çıxışlarında özünü bütün dövrlərin vəd olunmuşu, Hind soyundan sayılan dini təlimlər Hinduizm, Buddizm və Zərdüştilik, həmçinin İbrahimi dinlər olan Yəhudilik, Xristianlıq və İslamda zühuru vəd olunan şəxs olmasını iddia etmişdir və bu inanc Bəhailiyin təməlini təşkil edir. Hazırda dünyada təqribən 5 milyondan yuxarı bəhai var.
Bəhaullah öyrədirdi ki, bütün insanlıq eyni növdən, eyni irqdəndir, "tək bir Allah var, bütün dinlər eyni bir Allahdan göndərilib və artıq zaman yetişib ki, bütün bəşəriyyət öz birliyini etiraf etsin və birləşsin". Onun İlahidən vəhy alması iddiası tezliklə İranın və Osmanlının hakim dairələrinin göstərişi ilə onun təqibi, sürgünü və həbsi ilə nəticələndi və bu, həyatının sonunadək 40 il müddətində davam etdi, hansı ki, onun Osmanlının Əkka şəhərində vəfatı ilə başa çatdı. Bəhaullahın 40 il ərzində qələmindən çoxlu sayda yazılar çıxmışdır. Onların arasında ən məşhurları Kitabi-Əqdəs (Ən Müqəddəs Kitab), Kitabi-İqan (Yəqinlik kitabı), Kəliməti-Məknunə (Gizli Kəlamlar) oldu.
Əlaqəli portallar
.svg)
|
|
