Nigar Rəfibəyli - Haqqinda Melumat

Nigar Rəfibəyli
Nigar Rəfibəyli
	Nigar Xudadat qızı Rəfibəyli
Doğum tarixi	23 iyun 1913
Doğum yeri	Yelizavetpol, Yelizavetpol quberniyası, Rusiya imperiyası;
Vəfat tarixi	9 iyul 1981 (68 yaşında)
Vəfat yeri	Bakı, Azərbaycan SSR, SSRİ;
Dəfn yeri	Fəxri Xiyaban;
Milliyyəti	azərbaycanlı
Həyat yoldaşı	Rəsul Rza
Uşağı	Anar
Atası	Xudadat bəy Rəfibəyli
Təhsili	Moskva Dövlət Pedaqoji Universiteti[d];
Fəaliyyəti	yazıçı, şairə, dramaturq, tərcüməçi
Fəaliyyət illəri	1940–1981
Əsərlərinin dili	Azərbaycan dili
	Vikianbarda əlaqəli mediafayllar

Nigar Xudadat qızı Rəfibəyli (23 iyun 1913, Yelizavetpol – 9 iyul 1981, Bakı) — azərbaycanlı şair, tərcüməçi, 1934-cü ildən Azərbaycan Yazıçılar Birliyinin üzvü, Azərbaycan SSR xalq şairəsi (1981), Azərbaycan SSR əməkdar mədəniyyət işçisi (1967).

Həyatı

Nigar Rəfibəylinin atası Xudadat bəy Rəfibəyli

Nigar Rəfibəyli 1913-cü il iyunun 23-də Gəncə şəhərində anadan olmuşdur. Bakı Pedaqoji Texnikumunu bitirmişdir (1930). Moskvada Pedaqoji İnstitutda təhsilini davam etdirmişdir (1932–1936). Bakı kinostudiyasında ssenari şöbəsində, eyni zamanda fəhlə-gənclər məktəbində (1930–1932), "Azərnəşr"də bədii-ədəbiyyat şöbəsində tərcüməçi və redaktor (1931), "Uşaqgəncnəşr"də bədii ədəbiyyat şöbəsində redaktor (1937–1939) vəzifələrində işləmişdir. Xidmətlərinə görə , orden və medallarla təltif olunmuşdur.

"Çadra" adlı ilk şeri 1928-ci ildə "Dan ulduzu" jurnalında dərc edilmişdir. 1934-cü ildə nəşr olunmuş ilk "Şerlər" kitabı Azərbaycan qadınlarının yeni həyat quruculuğunda iştirakından bəhs edir. "Dolores İbarruri" (1936) şeri ispan xalqının faşizmə qarşı qəhrəmanlıq mübarizəsinə həsr olunmuşdur. "Cəmilə" şeri Əlcəzair xalqının milli azadlıq mübarizəsinə həsr olunmuş qüvvətli lirik əsərlərdəndir.

Məhsəti Gəncəvinin rübailərini, Evripidin "İfigeniya", Fridrix Şillerin "Məkr və məhəbbət", Anton Çexovun "Vanya dayı", "Albalı bağı" dramalarını, E. L. Voyniçin "Ovod", O. Qonçarın "Bayraqdarlar" romanlarını, Əlişir Nəvai, Aleksandr Puşkin, Mixail Lermontov, Taras Şevçenko, Ş. Petöfi, A. Mitskeviç, A. Sereteli və başqalarının əsərlərini tərcümə etmişdir. Əsərləri xarici dillərə tərcümə olunmuşdur.

1981-ci ildə Bakı şəhərində vəfat etmişdir. Məzarı II Fəxri Xiyabandadır.

Rəsul Rza və Nigar Rəfibəylinin Bakıda xatirə lövhəsi (Bakı)

Mükafatları

"Şərəf nişanı" ordeni — 9 iyun 1959
"Azərbaycan SSR əməkdar mədəniyyət işçisi" fəxri adı — 21 oktyabr 1967
Azərbaycan SSR Ali Sovetinin Fəxri fərmanı — 28 iyun 1973
"Azərbaycan SSR xalq şairəsi" fəxri adı — 19 iyun 1981

Kitabları

Təbiət mənzərələri, mənəvi zənginlik, vətənpərvərlik, sülh, demokratiya, azadlıq ideyaları tərənnüm olunan kitabları

Şerlər (1934)
Dənizin səsi gəlir (1964)
İşıqlı dünyam (1969)
Günəşdən gənclik istədim (1974)
Həzin bir axşamda düşsən yadıma (1982)
Şanlı nəsillərin yadigarısan (1982)

Müharibə movzusuna və müharibə əleyhinə həsr olunan kitabları

Zəfər nəğməsi (1943)
Şerlər (1949)
Anaların səsi (1951)
Yol xatirələri, Avropa ətrafında səyahət gündəliyindən (1957)

Uşaqlar üçün yazdığı kitablar

Balaca qəhrəman (1942)
Günəşin cavabı (1966)
Məstanın balaları (1968)
Bizə bahar yaraşır (1978)

İstinadlar

Mədəniyyət TV. (az.). . 30.06.2023. 2023-06-30 tarixində . İstifadə tarixi: 2023-06-30.
2020-01-16 at the Wayback Machine — anl.az saytı

Xarici keçidlər

Şeirlərinə yazılmış mahnılar

— musiqi: Emin Sabitoğlu
— musiqi: Emin Sabitoğlu
— musiqi: Emin Sabitoğlu
— musiqi: Emin Sabitoğlu

Digər

2007-10-06 at the Wayback Machine

[1] Mədəniyyət TV. (az.). . 30.06.2023. 2023-06-30 tarixində . İstifadə tarixi: 2023-06-30.

[28.06.1973-2] 2020-01-16 at the Wayback Machine — anl.az saytı