Dekabrın 13-də Azərbaycan prezidenti İlham Əliyev Heydər Əliyevin dəfni üzrə Dövlət Komissiyasının yaradılması haqqında sərəncam imzaladı. Aşağıdakı siyahıda komissiyanın üzvləri göstəriib.

• İlham Əliyev - Respublika Prezidenti, Dövlət Komissiyasının sədri
• Murtuz Ələsgərov - Azərbaycan Milli Məclisinin sədri
• Artur Rasizadə - Azərbaycanın baş naziri
• Ramiz Mehdiyev - Prezident Administrasiyasının rəhbəri
• Fərhad Abdullayev - Konstitusiya Məhkəməsinin sədri
• Vilayət Quliyev - Xarici İşlər Naziri
• Səfər Əbiyev - müdafiə naziri
• Namiq Abbasov - milli təhlükəsizlik naziri
• Ramil Usubov - daxili işlər naziri
• Zakir Qaralov - Baş prokuror
• Allahşükür Paşazadə - Qafqaz Müsəlmanları İdarəsinin sədri
• Mahmud Kərimov - Azərbaycan Milli Elmlər Akademiyasının prezidenti
• Hacıbala Abutalıbov - Bakı meri
• Anar Rzayev - Azərbaycan Yazıçılar Birliyinin sədri

Heydər Əliyevin dəfn mərasimi 2003-cü il dekabrın 15-də Azərbaycan Respublikasının paytaxtı Bakı şəhərində Respublika Sarayında keçirilib. Dəfn mərasimi Azərbaycanın əsas telekanalları ilə canlı yayımlanıb. Heydər Əliyevlə vida mərasimi yeddi saat çəkib. Dəfndə 250,000 nəfər iştirak edib. Yerli vaxtla saat 9.00-da tabutun önündə Azərbaycan Milli Qvardiyasının fəxri qarovul dəstəsinin düzülməsi ilə vida mərasimi başlayıb. Yerli məsciddə də eyni vaxtda cənazə namazı qılınırdı. Rəsmi mərasimdən sonra çoxlu kilometrlik yürüş baş tutdu. Bakıda cəmi bir saat yarım qaldıqdan sonra Vladimir Putin və Nursultan Nazarbayev mərasimi Binə Beynəlxalq Hava Limanı vasitəsilə erkən tərk etdilər. Heydər Əliyev Fəxri xiyabanda dəfn edildi. Dəfn zamanı artilleriya atəşi açıldı.

Dəfn mərasimində Rusiya prezidenti Vladimir Putin, Türkiyə prezidenti Əhməd Necdət Sezər,Türkiyə Baş Naziri Rəcəb Tayyib Ərdoğan, Ukrayna prezidenti Leonid Kuçma, Qazaxıstan prezidenti Nursultan Nazarbayev, Moldova prezidenti Vladimir Voronin, Gürcüstanın sabiq prezidenti Eduard Şevardnadze, Moskvanın meri Yuri Lujkov və digər siyasi-ictimai şəxslər iştirak edib.

• Qazaxıstan Prezidenti Nursultan Nazarbayev “Azərbaycan xalqına ağır itki üz verib” deyərək İlham Əliyevə başsağlığı verib.
• Qırğızıstan prezidenti Əsgər Akayev dekabrın 13-də İlham Əliyevə başsağlığı teleqramı göndərib.
• Rusiya Prezidenti Vladimir Putin Prezident İlham Əliyevə telefonla başsağlığı verib.
• Azərbaycanın Moskvadakı səfirliyi insanların başsağlığı kitabını imzalamaq üçün öz qapılarını açıb.
• Moskva Patriarxı II Aleksiy Əliyevi “bütün həyatını Azərbaycan xalqının firavanlığına həsr etmiş, xalqlarımız üçün bir vaxtlar ümumi dövlətin möhkəmlənməsinə mühüm töhfələr vermiş ən müdrik dövlət xadimi dünyasını dəyişib” deyə xatırlama edib.
• Başsağlığı Rusiyanın keçmiş baş naziri Yevgeni Primakovdan da gəlib.
• Amerika Birləşmiş Ştatları Birləşmiş Ştatların Dövlət Departamenti İlham Əliyevə başsağlığı verib.