İsmayıl Cəfərpur — azərbaycanlı şərqşünas, şair.Azərbaycan Milli Hökuməti dövründə partizan dəstəsinin rəhbəri, Salmas şəhərinin hərbi komendantı, Salmas və Təbriz şəhərlərində polis rəisi təyin edilmişdir. Fəaliyyətinə görə "21 Azər" medalı ilə təltif edilib. Azərbaycan Milli Hökuməti süqut etdikdən sonra Bakıya köçüb ADU-nun Şərqşünaslıq fakültəsini bitirib. Burada elmi və ədəbi fəaliyyətlə məşğul olub.

İsmayıl Cəfərpur
Doğum tarixi
Doğum yeri Salmas, Sədəqiyan
Vəfat tarixi (51 yaşında)
Vəfat yeri Bakı
Tanınmış əsəri Vətən uğrunda canından keçən ölməz!
Mükafatları "21 Azər" medalı — 1946
Vikimənbənin loqosu İsmayıl Cəfərpur Vikimənbədə

Həyatı

İsmayıl Qəhrəman oğlu Cəfərpur 1925-ci il martın 5-də Salmas mahalının Sədəqiyan kəndində anadan olub. 1942-ci ildə Tudə Partiyasına daxil olub, Salmas şəhərində təbliğat şöbəsində fəaliyyət göstərib. Sonradan partizan dəstəsinin tərkibində fəaliyyət göstərib.Azərbaycan Milli Hökuməti dövründə partizan dəstəsinin rəisi, Salmas şəhərinin hərbi komendantı olub. İnqilabi fəaliyyətinə görə "21 Azər" medalı ilə təltif edilib. Leytenant rütbəsi aldıqdan sonra Salmas şəhər milis rəisi təyin olunub. 1945-ci ilin sonunda isə Təbriz şəhər milis idarəsinin rəisi təyin edilib. Azərbaycan Milli Hökuməti dağıldıqdan sonra isə Şimali Azərbaycana köçüb. Burada 1947-ci ildə stomatologiya məktəbini, 1956-cı ildə isə ADU-nun Şərqşünaslıq fakültəsini bitirib.

1977-ci il fevralın 18-də Bakıda vəfat edib.

Yaradıcılığı

Ədəbi fəaliyyətə 1948-ci ildən başlayıb. İlk şeirlər məcmuəsi "Qəhrəmanın düşüncələri" 1956-cı ildə Azərnəşrdə çap edilib. 1956–1958-ci illərdə "Azərbaycan" qəzetinin xüsusi müxbiri olmuş, sonradan Moskvada M. Qorki adına Dünya Ədəbiyyatı İnstitutunda təhsil alıb. O həm də, Azərbaycan Demokratik Partiyasının orqanı olan "Azərbaycan" qəzetində bədii ədəbiyyat şöbəsinin müdiri işləyib.

İstinadlar

  1. Tərtib edən və məsul redaktor: Səməd Bayramzadə. (PDF). Bakı: “Araz” nəşriyyatı. 2015. səh. 95. ISBN 978-9952-8285-3-5. Archived from the original on 2022-03-09. İstifadə tarixi: 2022-03-09.
  2. Teymur Əhmədov. . Bakı: Nurlar nəşriyyatı. 2004. səh. 451-452. Archived from the original on 2018-10-24. İstifadə tarixi: 2018-11-11.
  3. . III. Bakı: Elm nəşriyyatı. 1988. səh. 226. 2023-07-01 tarixində . İstifadə tarixi: 2023-04-20.
  4. Şahin Bağırov. (az.). cebhe.info. 26.12.2018. 09.03.2022 tarixində . İstifadə tarixi: 09.03.2022.
  5. Miyanalı Əlirza, Lütfəli Ərdəbili. (PDF). achiq.net. səh. 3. Archived from the original on 2022-01-21. İstifadə tarixi: 2022-03-09.
  6. Vüqar Orxan. (az.). medeniyyet.az. 03.03.2021. 09.03.2022 tarixində . İstifadə tarixi: 09.03.2022.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023